بەڕێوەچوونی کۆڕی شەوی یەلدا و بەخشینی هەشتەمین خەڵاتی بەڕووی زێڕین

کۆڕی ساڵانەی شەوی یەلدای ناوەندی فەرهەنگی-هونەری ڤەژین بە شێوەیەکی تایبەتی لە هۆڵی سینما کوردستانی شاری مەریوان بەڕێوەچوو
ڕۆژی هەینی ۳۰ی سەرماوەزی ٢٧٢٤، کۆڕی ساڵانەی شەوی یەلدای ناوەندی فەرهەنگی-هونەری ڤەژین بە شێوەیەکی تایبەتی لە هۆڵی سینما کوردستانی شاری مەریوان بەڕێوەچوو. ئەم بەرنامەی تایبەتی بە بەشەداری نووسەران، هونەرمەندان و خەڵکی شاری مەریوان بەرزبوو و بەرنامەیەکی جیاواز و ڕەنگارەنگی فەرهەنگی لە خۆی گرتبوو.

بەرنامەکان:
وتاری زانستی و پەیامی شەوی یەلدای ڤەژین:
وتاری د. ئەفراسیاو جەماڵی سەبارەت بە شەوی یەلدا.
پەیامی تایبەتی ناوەندی ڤەژین بۆ ئەم شەوە.
خوێندنەوەی شێعر بە زاراوەکان:
خوێندنەوەی شێعر بە زاراوی لەکی لە لایەن خاتوو سەمیرا زەمانی‌مونفەردەوە لە لوڕستان.
خوێندنەوەی شێعر بە زاراوی هەورامی لە لایەن کاک جەماڵ قادرپوورەوە لە پاوە.
بابەتی زانستی:
وتاری زانستی د. زەکەریا بێزدوودە لە سەر بەرهەمەکانی مامۆستا محەممەد ڕەمەزانی.
بەرنامەی هونەری:
مۆسیقای گرووپی “کوردستان” لە شاری سنە.
ئەندامیان: بەڕێز بێهنام تاهێری لە سەقز و مامۆستا حسێن خاڵدار لە موکریان.
فیلم و بەڵگەفیلم:
نیشاندانی بەڵگەفیلمی “دارتاش” بە دەرهێنەری خەلیل سەحراگەرد، فیلمسازی مەریوانی.
بەڵگەفیلمی ناوەندی ڤەژین سەبارەت بە ژیان و بەرهەمەکانی مامۆستا محەممەد ڕەمەزانی، بە دەرهێنەری هەتاو عارفی.
خەڵاتی بەڕووی زێڕین:
پێشکەش کردنی هەشتەمین خەڵاتی بەڕووی زێڕین بە نووسەر و وەرگێڕی بەتوانا مامۆستا محەممەد ڕەمەزانی لە بۆکان، لەلایەن د. مەحموود موبارەکشاهی وەکو نوێنەری ناوەندی ڤەژین.
ئەم کۆڕە تایبەتی فەرهەنگی پڕبوو لە زانست، هونەر، و پەیوەندییە کۆمەڵایەتییەکان، بە شێوەیەکی جۆراوجۆر بە شاری مەریوان بەردەوام بوو.